“El Clasico” mbyllet në paqe, Barcelona mbetet e pa mposhtur në La Liga (VIDEO)

“El Clasico” mes Barcelonës dhe Realit është mbyllur në një barazim spektakolar 2-2, në një ndeshje që ka dhuruar emocione të shumta. Fillimi ishte më i mirë për vendasit që kaluan në avantazh që në minutën e 10-të. Serxhio Roberto dha një asist perfekt në zonë për Luis Suarez, i cili nuk gabon me një goditje me të djathtë përballë portierit Navas. Madrilenët kundërpërgjigjen menjëherë pas 5 minutash.

Toni Kros kroson në zonë për Benzema, francezi pason te Ronaldo, i cili e ka të thjeshte për të barazuar. Madrilenët dominojnë në lojë duke humbur mundësi të pastra për shënim me Ronaldon. Në fundin e pjesës së parë, dueli u bë edhe më i ashpër, teksa Serxhio Roberto u ndëshkua me karton të kuq pasi goditi mbrojtësin Marselo.

Gjithsesi kjo nuk ndikoi aspak për vendasit, që gjetën golin e avantazhit në fillimin e pjesës së dytë. Pas një kundërsulmi të shpejt, Suarez shkakton faull ndaj një mbrojtësi më pas pason për Mesin, i cili goditi në hyrje të zonës, duke mposhtur portierin Navas. Reali pa Ronaldon, gjeti golin e barazimit në minutën e 72-të, teksa ndeshja tashmë është në shifrat 2-2.

Garet Bejl merr një pasim në hyrje të zonës, dhe me një goditje të furishme mposhtë portierin Ter Stegen. Barcelona në këtë mënyrë nuk mundet edhe sot, duke mbetur i vetëm i pa mposhtur këtë sezon në La Liga. /Koha Jonë/