Eliminimi nga Championsi, Manchester City merr vendimin për Guardiolën

Eliminimi në gjysmëfinalen e Champions League nga Real Madridi, duket se nuk ka ndikuar aspak te drejtuesit e Manchester City-t, sa i përket rinovimit të kontratës me Pep Guardiolën.

Sipas raportimeve të medieve britanike, klubi është gati të bëjë investime të reja dhe t’i propozojë Guardiolës rinovimin e kontratës, e cila skadon në fund të sezonit të ardhshëm.

Guardiola raportohet se është gati të nënshkruajë një kontratë të re 3-vjeçare, që skadon në vitin 2025. Ai ka gjashtë sezone në krye të City-t, pavarësisht kohës së konsiderueshme vazhdon të ketë mbështetjen e plotë të klubit, ku objektivi i parë në merkato është Erling Haaland nga Dortmundi.