Entuziazëm i madh te Roma, zyrtarizohet afrimi i Wijnaldum

Georgino Wijnaldum është zyrtarisht futbollist i Romës. Holandezi mbërrin në Trigoria në formë huazimi, pas vetëm një sezoni te PSG. Mesfushori holandez shihet si një përforcim mjaft i mirë në mesfushë.

Jose Mourinho e kërkoi me ngulm që kur mori drejtimin e skuadrës më shumë se një vit më parë. Tashmë në “Lega Calcio” është depozituar dokumentacioni për federimin e lojtarit.

Të dielën, në orën 20-45, do të zhvillohet miqësorja me Shaktar Donetskun, teksa për këtë duel janë shitur të gjitha biletat. Afrimi i Dybala-s dhe Wijnaldum e bëjnë Romën një rivale që duhet pasur në konsideratë këtë sezon.