F.K Elbasani u shitet investitorëve anglezë

Kërkesa e një kompanie angleze për administrimin e Klubit të Futbollit të Elbasanit, do të hapë dritën jeshile për ringritjen e këtij klubi.

Duke iu referuar këtij fakti, kreu i Bashkisë Qazim Sejdini ka kërkuar edhe mbledhjen jashtë radhe të Këshillit Bashkiak.

Këshilltarët kanë miratuar shitjen e aksioneve 46% të Arben Lazes dhe Këshilli i Bashkisë me 54% të aksioneve.

Në kërkesën e tij drejtuar këshilltarëve, Kryetari i Bashkisë Qazim Sejdini vlerësoi ofertën e paraqitur nga kompania angleze si një mundësi shumë e mirë për ringitjen e Klubit të Futbollit.