Fabio hyn në histori, portieri brazilian thyen rekordin botëror të ndeshjeve të luajtura në futboll

Portieri i Fluminense, Fábio, ka shkruar historinë e futbollit duke u bërë lojtari me më shumë ndeshje të luajtura në nivel profesionist. Në moshën 44-vjeçare, ai zhvilloi ndeshjen e tij zyrtare numër 1391, duke kaluar kështu rekordin e famshëm të anglezit Peter Shilton.

Ky moment historik erdhi në fitoren 2-0 kundër América de Cali në “Maracanã”, ndeshje e vlefshme për kthimin e 1/8-ave të Copa Sudamericana.

Sipas klubit Fluminense dhe mediave braziliane, Fábio është tashmë futbollisti me më shumë prezenca në historinë e futbollit, edhe pse rekordi nuk është ende i ratifikuar nga FIFA apo CONMEBOL.

“Ndonjëherë nuk e kuptojmë menjëherë rëndësinë e një arritjeje kaq të madhe, që ka rezistuar për kaq shumë vite”, tha portieri pas ndeshjes, ku festoi jo vetëm rekordin por edhe një tjetër “clean sheet”, i shoqëruar me një pllakë përkujtimore.

Karriera

976 ndeshje me Cruzeiro (2005–2022)

30 ndeshje me União Bandeirante

150 ndeshje me Vasco da Gama

235 ndeshje me Fluminense

Në total: 1391 prezenca

Fábio e nisi karrierën në vitin 1997, pikërisht vitin kur Peter Shilton i dha lamtumirën futbollit. Ish-portieri anglez numëron 1387 ndeshje sipas tij, ndërsa Guinness Ëorld Records e ka regjistruar në 1390. Me rekordin tashmë të tejkaluar, Fábio pritet të zgjasë edhe më shumë këtë shifër historike.