Facebook dështon sërish!

Një raport nga grupi i fushatës Avaaz që shqyrton se si po përdoret platforma e Facebook për të përhapur gjuhën e urrejtjes në rajonin Assam të Indisë Veri-Lindore, sugjeron që kompania është duke dështuar edhe një herë të parandalojë që platforma e saj të shndërrohet në armë për të nxitur dhunën etnike.

Assam ka një popullsi të qëndrueshme të pakicave myslimane, por pakicat etnike në shtet duken gjithnjë e më të rrezikuara pasi qeveria nacionaliste Hindu e Indisë shtyu përpara me një Regjistër Kombëtar të Qytetarëve (NRC), i cili ka rezultuar në përjashtimin nga ajo listë e afro 1.9 milion njerëzve – kryesisht myslimanë – duke i vënë ata në rrezik të pashtetësisë.

Në korrik, Kombet e Bashkuara shprehën shqetësim të madh për procesin e NRC, duke thënë se ekziston rreziku i dëbimit dhe ndalimit arbitrar, me ata që përjashtohen të referohen në gjykatat e të huajve, ku ata duhet të dëshmojnë se nuk janë “të parregullt”.