Femrat morën më shumë medalje ari në këtë Olimpiadë Botërore
Jo vetëm për Kosovën edhe për SHBA apo Gjermaninë sportistet fituan më tepër medalje në Tokio.
Ekipi gjerman shënoi në Lojërat Olimpike të Tokios bilancin më të keq sa u takon medaljeve që nga viti 1990. Në tabelën e medaljeve Gjermania renditet në vendin e nëntë, pas Holandës dhe Francës.
Zhgënjyese ishin veçanërisht rezultatet në hendboll, volejboll në plazh dhe hokej, ku pritshmëritë ishin të mëdha. Në Tokio Gjermania fitoi dhjetë medalje ari, njëmbëdhjetë argjendi dhe gjashtëmbëdhjetë bronzi.
Ricarda Funk, fituese e një nga dhjetë medaljet e arit për Gjermaninë në Tokio
Suksesi më i madh u takon femrave që fituan shtatë nga dhjetë medalje e arit, ndërsa meshkujt arritën të fitonin vetëm tre.
Edhe për ekipin e SHBA-së i cili fitoi numrin më të madh të medaljeve në Lojërat Olimpike të Tokios, gjithsej 113 ndër to 39 medalje ari, shumicën e medaljeve e fituan femrat.
Ekipi i volejbollit të SHBA-së fitoi medaljen e parë të arit në Tokio
Sportistet amerikane fituan gjithsej 66 medalje duke udhëhequr në ekipin përfaqësues të SHBA-së. Ato gjithashtu shënuan disa momente të paharrueshme në Olimpiadë. Ekipi i basketbollit fitoi për të shtatën herë radhazi medaljen e artë duke mposhtur basketbollistet japoneze, skuadra e vaterpolos fitoi medaljen e artë për të tretën herë radhazi, kurse ekipi i volejbollit fitoi medaljen e parë të arit.
Hugues Fabrice Zango fitoi medaljen e parë olimpike për Burkina Fason
Gjatë Lojërave Olimpike të Tokios tri vende fituan gjithashtu për herë të para medaljet olimpike: Burkina Faso, Turkmenistani dhe San Marino.
KOHA JONË SONDAZH
