Fernando Alonso tregon nga spitali, se është mirë me shëndet (Foto)

Piloti i Formula 1, Fernando Alonso,  është duke qëndruar ende në spital pas aksidentit të tmerrshëm që pësoi pak ditë më parë, por më në fund qetëson tifozët e tij se është mirë me shëndet dhe do të kthehet së shpejti në pistë.  Ai postoi një foto nga spitali, ku gjendja e tij dukej emirë duke premtuar rikthimin e shpejtë në skuderinë e McLaren, që në fillim të këtij sezoni të gjithë ishin në ankth për të ardhmen e tij. Alonso, 33 vjeç, u përplas me makinën e tij në cirkuitin e Barcelonës, në ditën e fundit të testit të javës së kaluar dhe u transportua me helikopter drejt spitalit, ku ndodhet akoma. Menaxheri i tij Luis Garcia Abad, ka shfrytëzuar profilin e tij zyrtar në “Twitter”, për të postuar një foto ku shihet Alonso duke buzëqeshur nga spitali, por megjithatë spanjolli me shumë mundësi nuk do të jetë në ditët e testit para sezonit të ri në Formula 1. – “Ai do të qëndrojë derisa të jemi të sigurtë se ai është rikuperuar plotësisht,” – theksoi Garcia Abad. Aksidenti nuk ishte edhe aq i lehtë për t’u kapërcyer.  McLaren pritet të konfirmojë se kush do ta zëvendësojë Alonson, për katër ditët e testit të radhës që do të nisin këtë të enjte. Skuderia mundet të zgjedhë mes pilotit rezervë Kevin Magnussen  dhe yllit të GP2,  Stoffel Vandoorne.