FIFA fal Ronaldon, gati për ndeshjen e parë në Kupën e Botës

FIFA ka publikuar vendimin final për çështjen e kartonit të kuq të Cristiano Ronaldos, marrë në humbjen 2-0 ndaj Irlandës më 13 nëntor, në ndeshjen e parafundit të Grupit F të kualifikuesve të Botërorit. Fillimisht, super ylli 40-vjeçar ishte pezulluar për tre ndeshje, dënim që e la jashtë triumfit 9-1 kundër Armenisë, sfidë që vulosi kualifikimin e Portugalisë në Botërorin 2026.

Pas apelimit të Federatës Portugeze të Futbollit, Komisioni Disiplinor i FIFA-s rishikoi rastin dhe pranoi argumentet e paraqitura nga FPF, duke vendosur që Ronaldo të mos vuajë asnjë sanksion shtesë.

Në përfundim, u konfirmua se sulmuesi kishte kryer vetëm një ndeshje pezullim, pavarësisht faktit që kartoni i kuq ishte i pari në 226 paraqitje me kombëtaren.

Vendimi është pritur me entuziazëm në kampin portugez, pasi kapiteni i Seleçaos rikthehet pa asnjë kufizim dhe plotësisht në dispozicion për fazën përgatitore drejt Botërorit 2026.