Fillon më në fund Formula 1, Bottas fiton në Çmimin e Madh të Austrisë

Valtteri Bottas, piloti i Mercedes, triumfoi në Çmimin e Madh të Austrisë, gara e parë e këtij sezoni të Formula 1. Kampioni në fuqi, britaniku Leëis Hamilton u penalizua pas një kontakti 11 xhiro para fundit me Albon dhe përfundoi në vendin e katërt në këtë garë.

Piloti i Ferrarit Charles Leclerc mori vendin e dytë, ndërsa një surprizë e madhe ishte Lando Norris, piloti i McLaren, i cili u ngjit në podium. Sebastian Vettel, piloti tjetër i Ferrarit, rezultoi një zhgënjim edhe në garën e parë të këtij sezoni, duke e mbyllur atë vetëm në vendin e dhjetë.

Çmimi i Madh i Austrisë nisi me pilotët e gjunjëzuar në mbështetje të protestave kundër racizmit, të cilat nisën në Amerikë dhe janë përhapur me shpejtësi në shumë shtete të Botës.