Fiorentina ndjek me vëmendje Marash Kumbullën

Skuadra e Fiorentinës ka hartuar një listë të gjatë me emrat e mundshëm që mund të zëvendësojnë Nikola Milenkovic. Sipas asaj që raporton gazeta “La Nazione”, për momentin Robin Le Normand dhe Marash Kumbulla janë dy lojtarët më të preferuar.

Gjithsesi me ta do të bisedohet vetëm në rast se Interi dhe Juventusi do të arrijnë që të kompletojnë transferimin e serbit. Kumbulla mund të zgjedhë ekipin violë pasi te Roma nuk është se e ka formacionin e garantuar.

Një opsion është edhe Torino e Juric, që gjithashtu është në kërkim të një mbrojtësi cilësor për sezonin e ri. /R.Lika-Koha Jonë/