Firmosi me Granada-n, Uzuni pritet të debutojë ndaj Realit në fundjavë

Myrto Uzuni merr një lajm fantastik pasi firmosi kontratën me skuadrën e Granada-s. Sulmuesi shqiptar mund të debutojë në La Liga këtë fundjavë, në ndeshjen që skuadra e tij do të luajë kundër Realit të Madridit.

Nëse gjithçka do të shkojë mirë në seancat stërvitore, atëherë aventura e Uzunit në Spanjë do të niste në mënyrën më fantastike të mundshme.

Uzuni u ble nga Granada për 3,5 milionë euro, me sulmuesin që mbylli aventurën te Ferencvaros me 36 gola dhe 14 asist në 67 ndeshje.