Fitoi për herë të 7-të Topin e Artë, Messi sëmuret dhe do të mungojë ndaj Nice

Pas fitimit të Topit të Artë për herë të 7 në karrierë si askush tjetër, ylli argjentinas pritet që të mungojë në ndeshjen e radhës ndaj Nice në kampionat.  Argjentinasi, i cili numëron dy “Topa të Artë” më shumë se Cristiano Ronaldo, është ndjerë keq pas ceremonisë në Paris, si pasojë e një dhimbje stomaku.

“Lionel Messi dhe Leandro Paredes nuk morën pjesë në stërvitjen e sotshme ditore, si pasojë e problemeve me stomakun. Një kontroll i mëtejshëm do të kryhet të mërkurën, për të verifikuar gjendjen e futbollistëve”, shkruhet në një njoftim të klubit francez ditën e sotme.

Messi do të jetë gati për duelin kundër Lens që do të luhet të shtunën dhe më pas për sfidën në Champions kundër Club Brugge.