Fitorja e Skënderbeut ndaj Tiranës, Mirel Josa e Gugash Magani kundër aleancave

Sporti E Hënë, 19 Prill 2021 03:33

Trajneri i Skënderbeut, Mirel Josa, përgëzoi futbollistët e tij për suksesin e arritur me Tiranën, duke kujtuar se kishte përballë rivalin më të fortë, në garë për titull. Trajneri kryeqytetas siguroi se Skënderbeu nuk është pjesë e aleancave, ndërsa hodhi poshtë pretendimet e bardhebluve për episodin e 11-metërshit të fituar nga ana e korçarëve. – “Nuk besoj se ne jemi pjesë e aleancave. Ne po vazhdojnë punën tonë. Se çfarë ka ndodhur në takimet e tjera, nuk di asgjë. Takimi me Tiranën ishte shumë i luftuar, ndërsa për 11-metërshat kur janë, janë, s'kemi ç'bëjmë,” – u shpreh Josa, pas fitores me Tiranën, që u vendos nga një 11-metërsh i realizuar në gol nga kapiteni Bledi Shkëmbi. Akuzat e presidentit të Flamurtarit, se skuadra e tij e shiti ndeshjen me Partizanin, një skuadër rivale dhe pretendente për titull, e ka ndezur edhe më tepër garën dhe atmosferën.

Magani i zhgënjyer nga rezultati, jo nga loja

I zhgënjyer nga rezultati dhe humbja, por jo nga loja e Tiranës, trajneri Gugash Magani theksoi se edhe kjo ndeshje u vendos nga një episod. – “Ndeshja i kishte të tre rezultatet dhe siç e kisha parashikuar u vendos nga një episod i vetëm. Ishte gabimi ynë në momentin e 11-metërshit. Skuadra ka luajtur mirë dhe futbollistët i zbatuan detyrat. Duhet të jemi më të kujdesshëm. Mund të them se u përballën dy ekipet me të mira të kampionatit. Fitoi futbolli edhe pse nuk morëm pikë,” – theksoi ai, ndërkohë që javën tjetër skuadra e tij do të presë Kukësin, që kryeson aktualisht. Tirana pas humbjes së sotme, ndodhet pesë pika larg nga kryesuesit e Kukësit. Trajneri peqinas gjeti rastin t'i kujtonte opinionit publik se Tirana është e vetmja skuadër që luan pa aleatë. – “ Ne jemi skuadra e vetme që po luajmë ndershëm. Nuk dorëzohemi në objektivin tonë, do të luftojmë fort deri në fund,” – theksoi Magani.

Ervin Bulku: Tirana pa aleatë, drejt titullit

Në të njëjtën linjë, madje edhe më i drejtpërdrejtë, ishte me deklaratën e tij kapiteni Ervin Bulku, i cili siguroi se në asnjë moment nuk do të lejojë që bardheblutë të bëhen palë e marrëveshjeve me skuadrat e tjera, i cili uk la pa kursyer akuzat ndaj gjyqtarit. – “Plot 9 lojtarë të Tiranës rrezikojnë pezullimin dhe sërish protagonist bëhet i njëjti gjyqtar, Ena Jorgji. Tirana do të vijojë garën e pastër. Nëse vërej diçka të dyshimtë, do të jem i pari që do të braktis fushën e lojës,” – shprehet Bulku.

Kategoria Superiore

Java e 25-të – 4 mars

Skënderbeu-Tirana 1-0

Shënues: Shkëmbi (11-m) 66’

Partizani – Flamurtari 2-1

Shënues: Rrahmani 57’ Raçiç 78’/ Telushi 21’

Kukësi-Teuta 5-2

Shënues: Malota 33’, Pejiç 51’, 84’, Pit 54’, 68’, Kastrati 47/ Nika 58’

Laçi – Vllaznia 1-0

Shënues: Veliaj 26’

5 mars

Elbasani-Apolonia (14:00)