Fitorja e thellë ndaj Çekisë, kapiteni Berisha tregon pikat e forta të kampionëve kuqezi

Aktualitet Sporti E Enjte, 12 Tetor 2023 23:41

Pas fitores së thellë ndaj Çekisë, kapiteni i Kombëtares Shqiptare, Etrit Berisha ku ka falënderuar të gjithë djemtë e ekipit dhe tifozët për këtë mbrëmje të paharrueshme.

Gardiani i portës kuqezi deklaroi se puna pa pushim dhe sakrifica janë pikat e forta të këtij ekipi, që tashmë e di forcën e tij.

“Kemi një ekip me kualitet, vijmë në këtë pikë me sakrifica e punë. Të gjithë lojtarët e dinë që duhet të mundohemi shumë. Në fund të pjesës së parë bëmë disa gabime, pasi vetëbesimi i tepërt bëri që gjërat të ndryshojnë. Na ndihmoi pushimi dhe u kthyem vrullshëm në pjesën e dytë”, tha Berisha.