Flamurtari-Laçi luhet në Elbasan, ndryshon dhe orari i ndeshjes

Dënimi i fushës së Flamurtarit nga Komisioni i Disiplinës për shkak të dhunës së ushtruar ndaj zyrtarëve të ndeshjes në takimin me Vllazninë i ka detyruar drejtuesit e klubit vlonjat të gjejnë një stadium tjetër për ndeshjen e shtëpisë me Laçin.

Ky takim do të luhet po këtë të mërkurë, në orën 16:00, në “Elbasan Arena”, vendim që është pranuar edhe nga Federata Shqiptare e Futbollit, si organizatore e garës. Kujtojmë që ndeshja ishte programuar që të luhej në orën 19:00.