Fonseca në delir pas suksesit në Madrid: Fituam sepse luajtëm pa frikë!

Milani mori një fitore të madhe mbrëmjen e djeshme, duke i dhënë fund ecurisë së rezultateve të dobëta. Një sukses që shpëton dhe trajnerin Fonseca, i cili ishte në dyshim për një largim të mundshëm. Tekniku portugez nuk e fshehu gëzimin pas fitores në “Bernabeu”, duke zbuluar dhe recetën e suksesit.

“Fituam pasi lojtarët luajtën me guxim, erdhën këtu pa pasur frikë nga askush. U treguam të zotë që mbajtëm topin në këmbë, më pas të kujdesshëm duke i goditur në momentin e duhur.

Ndeshjet evropiane janë të ndërlikuara, janë shumë ndryshe nga ato të Serie A. Është më e vështirë të luash kundër Monza-s e Cagliarit se sa kundër Realit. Tani duhet të vazhdojmë të rritemi”, u shpreh Fonseca.