Donald Trump fiton përballë Kamala Harris si President i SHBA: Unë do të mbyll luftërat!

Donald Trump ka fituar thellë, sipas asaj që tha edhe vetë Trump në fjalimin e fitores para mbështetësve. Në fjalën e tij Trump falenderoi të gjithë amerikanët dhe premtoi se do të punoj me shpirt për kombin e madh amerikan. Trump tha prerë se do të mbyll luftërat në botë.

Ish Presidenti Donald Tramp doli fitues në Pensilvani me 19 vota elektorale, duke shënuar edhe një hap drejt fitores në zgjedhjet presidenciale. Pensilvania është një nga shtetet përcaktuese të zgjedhjeve.

Aktualisht zoti Trump ka siguruar 267 vota elektorale, përballë Nënpresidentes Kamala Harris që ka fituar deri tani 214 vota të tilla. Por ka të sigurtë fitoren e thellë sepse edhe aty ku po numërohet ka diferencë të madhe me Harris.

Duhen 270 vota elektorale për të siguruar mandatin presidencial.

Trump ndër të tjera tha: “Falenderoj amerikanët për nderin që më zgjodhën si presidentin e 47 dhe 45 gjithashtu. Do të luftoj për ju dhe familjet tuaja, për të ardhmen. Do të luftoj me ju me çdo mundësi që kam. Të kemi një Amerikë me presporitet që amerikanët meritojnë. Një epokë e jashtëzakonshme për Amerikën. Duke fituar shtetet kryesore, jemi në fitore edhe në Michigan Alaska etj që do të na lejojë 315 vota elektorale. Nuk kishte asnjë rrugë tjetër përveç fitores. Kemi fituar gjithashtu votën popullore që është madhështore”, tha ai.

Me pas shtoi: “Dëshiroj që t’ju falenderoj  të gjithëve, në këtë lëvizje të mrekullueshme që s’e ka parë askush më parë, sinqerisht mendoj se ka qenë lëvizja më e madhe politikëe e të gjitha kohërave. Tani do të arrijë në një nivel tjetër rëndësie, që do ta ndihmojë vendin të shërohet. Do të rregullojmë kufirin dhe gjithçka, ne bëmë histori sot.

Kapërcyem pengesa që s’mendonim se do t’i arrinim. Arritëm një votë të mrekullueshme. Është një fitore politike që vendi s’e ka parë kurrë më parë. Nder i madh që më dhanë qytetarët, duke më zgjedhur si president. Deri sa ne të kemi krijuar një SHBA të fortë e të begatë që meritoni ju, do të jetë epoka e artë e Amerikës. Kjo është firore e mrekullueshme, për ta bërë amerikën sërish.

Ne do të bëjmë edhe kthimin më të madh ekonomik nën lidershipin e Donald Trump. Ishte një zgjedhje e mirë. Në fakt isha disi i pavendosur në fillim, e dija që do të përmirësohej. Me familjet tona do të qëndrojmë 4 vjet e do të sjellim për Amerikën më të mirën. Jemi vendi më i madh i botës e do punojmë shumë për të kthyer reputacionin, më të mirën. Ne duhet të sigurojmë kufirin, s’duhet të lejojmë hyrjet në vendin tonë, duhet të vijnë vetëm në rrugë ligjore”.