FOTO/ Barcelona kërkon me ngulm këtë lojtar brazilian

E përditshmja sportive katalane, Mundo Deportivo, ka zbuluar se trajneri i ri i Barcelonës, Ernesto Valverde ka kërkuar nga drejtuesit e klubit transferimin e mesfushorit brazilian, Paulinho nga ekipi kinez.

Gjiganti i La Liga do të fillojë edhe një herë përpjekjet për transferimin e yllit të klubit kinez, Guangzhou Evergrande.

Presidenti i klubit kinez, Xu Jiayin i ka bërë me dije Barcelonës që të mos lodhet sepse Paulinho nuk është në shitje.

“Nuk është vetëm çështjen financiare të klubit, por po ashtu edhe situatën specifike të sezonit tonë”, ka Jiayin.

“Paulinho ka një mundësi të madhe për t’iu bashkuar Barcelonës dhe ne i japim rëndësi kësaj çështjeje, por nuk e lejojmë të largohet në mes të sezonit”, ka thënë ai.