FSHF reagon sërish, publikon përgjigjet e testeve të Memollës dhe Ismajlit

Federata Shqiptare e Futbollit ka reaguar sërish me anë të një deklarate për shtyp për të sqaruar situatën te kuqezinjve, pasi testimeve të kryer ditën e djeshme. Në të saktësohet se asnjë futbollistë, as Memolla dhe Ismajli nuk kanë dalë pozitivë, duke i shoqëruar edhe me fotot e përgjigjeve të testeve.

“FSHF përgënjeshtron lajmin e rreme të shpërndarë nga tre media se tre futbollistë të Kombëtares shqiptare kanë rezultuar pozitiv në testin e COVID. Ky lajm është i pavërtetë dhe tendencioz.

Asnjë lojtar i kombëtares, pjesëtar i stafit apo anëtar i delegacionit nuk ka rezultuar pozitiv. Bashkëngjitur edhe testet e futbollistëve të përmendur.

I bëjmë thirrje medias të distancohen nga këto lajme të pavërteta dhe nga kjo praktike aspak profesionale. Me poshtë përgjigjet për Ramadanin dhe Memollen”, shkruan FSHF.