Furtunë shkarkimesh në Seria A, edhe Brescia largon trajnerin

Seria A po bënë kërdinë këtë sezon në shkarkimin e trajnerëve. Eugenio Corini është trajneri i radhës që ka provuar shijen e largimit nga detyra. Brescia, nëpërmjet një komunikate për shtyp ka zyrtarizuar largimin e 49-vjeçarit për shkak të rezultateve të dobëta:

“Brescia komunikon se ka shkarkuar Eugenio Corinin nga detyra e trajnerit të skuadrës së parë. Shoqëria falënderon mister Corinin dhe stafin e tij për profesionalizmin, dedikimin që kanë treguar.”

Brescia është përfshirë në një krizë të thellë rezultatesh në 7 ndeshjet e fundit, teksa ka regjistruar 5 humbje dhe 2 barazime. Aktualisht “Dallëndyshet” renditen në vendin e parafundit me 15 pikë, aq sa ka dhe SPAL që mbyll renditjen.