Futbollisti brazilian çmendet, godet me shkelm arbitrin dhe arrestohet nga policia (VIDEO)

Futbollisti brazilian William Ribeiro rrahu arbitrin, duke e goditur me shqelm në kokë dhe duke i rrezikuar jetën në një ndeshje të kategorisë së dytë braziliane mes Guaranit dhe Sao Paolos.

Arbitri u dërgua menjëherë në spital, ndonëse pa ndjenja, por pas disa orësh atje, është rikthyer në gjendje të qëndrueshme dhe nuk duket se ka pasoja të rënda.

William Ribeiro është arrestuar dhe tani do të akuzohet për tentativë vrasjeje, pasi e qëlloi arbitrin me shqelm në kokë, edhe kur e kishte shtrirë më parë, ndërsa klubi i tij, i prishi menjëherë kontratën dhe u distancua nga dhuna.