Futbollisti i ekipit të Dritës në Kosovë del pozitiv ndaj koronavirusit

Klubi i Dritës së Gjilanit njoftoi sot se një ri prej futbollistëve të saj ka rezultuar pozitiv ndaj Covid-19 dhe është vënë menjëherë në izolim, ku do të qëndrojë deri në shërim të plotë.

Nëpërmjet një komunikate të shpërndarë në rrjetet sociale, klubi gjilanas ka kërkuar që t’u bëhen testet të gjithë futbollistëve, me qëllim që të shmanget rreziku i infektimit për çdonjërin prej tyre.

Drita ka konfirmuar se lojtari nuk ka simptoma të virusit dhe se do të ketë mbështetjen e drejtuesve deri në shërimin e plotë të tij.

NJOFTIMI PËR SHTYP

Sot është pritur që klubit ti bashkangjiten edhe lojtarët tjerë që janë jashtë Kosovës, por kemi marrë një lajm aspak te mirë, sepse njëri prej tyre ka rezultuar pozitiv në testimin për Covid-19.

Lojtari deri tani nuk ka shfaqur simptoma dhe do te vijojë të qendrojë i izoluar në shtëpi.

Jemi shumë të brengosur nga kjo situatë dhe kërkojmë nga Instituti i Shëndetit Publik të Kosovës, Ministria e Shëndetsisë si dhe nga FFK që tu bëhen testet qdo futbollisti dhe qdo personi që involvohet në aktivitete sepse në të kundertën mund të rrezikojmë shëndetin e të gjithë komunitetit të futbollit.

Klubi i dëshiron shërim sa më të shpejt lojtarit dhe do ti qëndroj pranë në qdo rrethanë!