Futbollisti rus del kundër luftës në Ukrainë, ja postimi i tij në rrjetet sociale

Lufta në Ukrainë po prek të gjithë botën, teksa nuk i ka shpëtuar edhe futbolli. Kampionati ukrainas u pezullua pas bombardimeve nga Rusia dhe shumë po përpiqen me gjeste, fjalë dhe deklarata të ndalojnë këtë situatë të tmerrshme.

Fedor Smolov, sulmuesi i ekipit kombëtar dhe Dinamo e Moskës ka dalë me një mesazh kundër luftës, duke bërë një postim në rrjetet sociale.

Për të dërguar një sinjal të qartë u zgjodh një imazh tërësisht i zi, i cili më pas u bë i qartë edhe në mbishkrimin e fotos: “Jo luftës” me një zemër që duket se thyhet dhe flamurin e Ukrainës.