Gabriel Jesus dhuron 3 ton ushqime për familjet e varfra në Brazil

Koronavirusi ka izoluar me miliona njerëz në të gjithë botë, Pezullimi i aktiviteteve ekonomike ka sjellë shumë papunësi, teksa janë jo të pakta familjet që vuajnë në këto ditë karantine.

Gabriel Jesus ka bërë një gjest fantastik për vendlindjen e tij. Sulmuesi i Manchester Cityt ka dhuruar 3 ton ushqime për lagjet e varfra të Brazilit. Gjest shumë i bukur ky i 23-vjeçarit, i cili duket se nuk e harron kurrë se nga ku ka ardhur.

Gabriel Jesus nuk e ka fshehur asnjëherë që dikur ka qenë shumë i varfër dhe bënte punë të rëndomta për të mbijetuar, ndërsa tashmë mundohet t’u japë një dorë familjeve në nevojë.