Gallatë serbe: Krenarë për shtetasit tanë nga Kosova në “Euro 2016”

Serbia ende vajton pse nuk u kualifikua për të marrë pjesë në kampionatin Evropian. Por edhe për këtë, ajo megjithatë e ka gjetur një ngushëllim . Të paktën ashtu siç ka thënë për portalin serb “Alo” drejtori i Zyrës për Kosovën, Marko Xhuriç.

“Edhe pse Serbia nuk po merr pjesë në Kampionatin Evropian, shumë qytetarë tanë po marrin pjesë në të. Ja vetëm në përfaqësuesen e Shqipërisë janë tetë lojtarë nga Kosova dhe mjaft të tjerë në Zvicër. Ata janë tanët, u pëlqen ose jo atyre.

Sa i përket UEFA-­s, ajo për mua është e komprometuar pasi e pranoi Kosovën anëtare. E pastaj të ndalojë klubet e saj të luajnë e reprezentacionit t’ia ndalojë të jetë mikpritës. Mendoj se tash askush s’e kupton se me urdhra të kujt punon UEFA”, ka thënë Xhuriç.