Gati për testet mjekësore, sot mbërrin në Milano transferta e bujshme

Interi ditën e sotme pritet të nënshkruajë me Dalbert Henrique.

Sipas “La Gazzetta dello Sport”, mbrojtësi i krahut të majtë në fundjavë pritet të bashkohet me Interin, por Nice dëshiron të përfitojë sa më shumë nga shitja e tij, shkruan “Football-Italia”.

Dalbert Henrique ka shprehur në mënyrë të përsëritur dëshirën e tij për t’u bashkuar me zikaltërit të cilët ofrojnë 20 milionë euro plus bonuset.

Braziliani pritet që brenda 24 orëve të mbërijë në Milano për të kryer testet mjekësore.

Kujtojmë që sezonin që lamë pas Dalbert Henrique zhvilloi 33 paraqitje në Ligue 1.