Gazetari italian: Kërkoj falje për lajmin e Raiolës, jam i mërzitur

Gazetari italian Tancredi Palmeri sot dha lajmin për vdekjen e Raiolës, që në fakt do të rezultonte i rremë, pasi agjenti është gjallë, por në spital. Ai fshiu postimin e tij që lajmëronte vdekjen e agjentit dhe tha se është shumë i mërzitur.

“Fshiva postimin në Twitter për Raiolën. Nuk ishte spekulim apo ‘vrapim për të qenë i pari’. Unë kurrë nuk do të bëja diçka të tillë për një çështje të tillë.

Lajmi u publikua nga “TgLa7”, lajmet më të vlerësuara të televizionit italian; konfirmuar nga të gjitha mediat më të mëdha italiane. Por edhe unë postova gabim në Twitter, prandaj jam i mërzitur dhe kërkoj falje’, shkroi Tancredi në një reagim.

I deleted tweet about Raiola.

It wasn’t speculation or “run to be first”.
I’d never do any like this on such matter.

News was broke by TgLa7, most rated Italian tv news; confirmed by all Italian biggest media.

But I did tweet wrong too, therefore I am mortified and apologise

— Tancredi Palmeri (@tancredipalmeri) April 28, 2022