Giampaolo me “dorë të hekurt”, Piatek dhe Calhanoglu përfundojnë në stol

“Gazzetta dello Sport” shkruan se në sfidën ndaj Genoas, që pritet të jetë treni i fundit për trajnerin Marco Giampaolo, pritet që të ketë një revolucion të madh në formacionin e Milanit, teksaq edhe Piatek rrezikon të mbetet në stol. Me formën që po kalon, polaku nuk është më i paprekshëm.

Rebic pritet ta nisë titullar në krah të majtë, ndërsa në qendër mund të luajë Rafael Leao, i cili shënoi golin e parë kuqezi në karrierë, ndaj Fiorentinës, dhe këto javë është ndër të vetmit që po tregon diçka.

Suso do të kthehet në rolin e tij të përhershëm, në të djathtë, ndërsa në mbrojtje pritet që ta nisë titullar Duarte në qendër të mbrojtjes, me Calabrian e konfirmuar, ashtu si Theo Hernandez në të majtë. Në mesfushë, Bennacer pritet titullar, por surpriza mund të jetë Paqueta në vend të Calhanoglu.