Giggs rrëfen takimin e parë me Van Gaal: Më goditi me grusht!

Manchester United ka pasur shpesh herë ndryshime në pankinë në vitet e fundit. Në vitin 2014, “Djajtë e Kuq” vunë bast me Ryan Giggs, pas përvojës zhgënjyese me David Moyes. Trajneri uellsian drejtoi ekipin deri në fund të sezonit, më pas filoi aventura e Louis Van Gaal, ku ai tashmë në rolin e asistentit.

“Unë shkova ta takoj dhe i thashë: kemi një listë të lojtarëve, që mendoj se kanë qenë të mirë, dhe të atyre që nuk e kanë merituar fanellën. Takimi u zhvillua në një hotel.

Ai hapi derën, më shikoi nga koka te këmbët dhe u largua duke thënë: Ju jeni në formë të mirë!”. Dhe pastaj më goditi me grusht në stomak. Ishte situatë e vështirë dhe nuk dija çfarë të bëja. Mund të kisha reaguar, por isha unë që e gjeta veten pa punë. Van Gaal ishte shumë dominues”.