Gimenez: Do të jetë sezon i madh, Allegri punon shumë dhe na ka sjell gëzim

Sulmuesi i Milanit, Santiago Gimenez, ka ndarë përshtypjet e tij të para për punën me trajnerin Massimiliano Allegri, në një intervistë për “Sky Sport”. Meksikani u shpreh se ka gjetur një atmosferë shumë pozitive dhe një trajner që di si të bashkojë skuadrën.

“Që nga dita e parë në Milanello, ndjeva se kjo do të ishte një sezon i madh. Allegri punon me intensitet të lartë, por di edhe të krijojë hapësirë për gëzim, për familjen dhe për skuadrën. Besoj se kjo është kombinimi më i mirë,” tha Gimenez.

Sulmuesi foli edhe për objektivat e Milanit këtë sezon: “Jemi në një klub të madh dhe duhet të jemi në lartësinë e emrit të tij. Fjalën ‘titull’ e kemi gjithmonë në mendje, është një ëndërr. Me ardhjen e Modric, i cili ka fituar shumë trofe, motivimi ynë rritet akoma më shumë.”

Duke kujtuar periudhën kur erdhi në janar, Gimenez pranoi se tashmë është më i përgatitur: “Jam i njëjti Santiago, por me më shumë uri, më shumë dëshirë dhe më shumë pasion. Në janar ishte e vështirë, sepse ishte një situatë e re dhe jo e lehtë. Tani gjithçka fillon nga e para dhe jam i bindur se bashkë me skuadrën do të japim gjithçka për të arritur objektivat.”