Gjasula rekordmen i Paderbornit në Bundesligë, një maratonomak i vërtetë

Klaus Gjasula debutoi këtë sezon në Bundesligën gjermane. 30-vjeçari nga kryeqyteti luan për Paderbornin që aktualisht është në vendin e fundit në kampionatit. Gjithsesi futbollisti shqiptar ka statistika mbresëlënëse gjatë këtij sezoni.

Gjasula në 22 ndeshje sipas “Kicker” këtë edicion në kampionatin gjerman ka realizuar dy gola e dy asistime. Në disa prej ndeshjeve ai ishte kapiten i skuadrës. Ai vrapon mesatarisht nga 12.18 kilometra për ndeshje. Është i shtati në Bundesligë sa i takon distancës së përshkuar.

Gjasula gjithsej këtë edicion në ndeshje të kampionatit gjerman i ka vrapuar 236.40 kilometra. Vitin e kaluar ai ju bashkua Kombëtares sonë duke bërë paraqitje shumë të mira.