Granit Xhaka, shqiptari i parë në garën për ”Topin e Artë”. Renditet në vendin e 16-të

”France Football” dorëzon këtë mbrëmje trofeun e ”Topit të Artë”, për herë të parë në bashkëpunim me UEFA-n, në ceremoninë që zhvillohet si zakonisht në kryeqytetin e Francës, Paris. Lista me 30 lojtarët pretendent është bërë publike prej kohësh, teksa ka nisur publikimi i emrave që nisin renditjen nga fundi.

Granit Xhaka e shkroi historinë kur u përzgjodh si një nga 30 futbollistët që do të garonin për Topin e Artë, duke u bërë shqiptari i parë që synon trofeun prestigjioz të “France Football”. Xhaka do të renditet në vendin e 16-të mes të nominuarve për Topin e Artë.

Ai mbërrin në këtë hap të rëndësishëm të karrierës së tij pas një sezoni fantastik me Bayer Leverkusen, ku si motor i mesfushës çoi “Aspirinat” drejt titullit të kampionit në Bundesligë dhe fitoi Kupën e Gjermanisë, e humbi finalen e Ligës së Evropës. Edicionin e kaluar, 32-vjeçari luajti 33 ndeshje dhe realizoi 3 gola për Leverkusen.

16-Granit Xhaka

17-Federico Valverde

18-Emiliano Martinez

19-Martin Odegaard

20-Hakan Çalhanoglu

21-Bukayo Saka

22-Antonio Rudiger

23-Ruben Dias

24-William Saliba

25-Cole Palmer

26-Declan Rice

27-Vitinha

28-Alejandro Grimaldo

29-Mats Hummels, Artem Dovbyk