Griezmann sfumon “perlën” e Mertens, kualifikimi vendoset në “Camp Nou” (VIDEO)

Napoli dhe Barcelona lënë gjithçka të hapur për sfidën e kthimit. Dueli i mbrëmjes së sotme në “San Paolo” u mbyllë në barazim 1-1. Pjesa e parë u dominua nga katalanasit, por do të shënonte skuadra e Gattusos. Në minutën e 30-të, Dries Mertens shënoi një super gol me një goditje fantastike në hyrje të zonës, e cila përfundoi në trekëndësh.

Barcelona arriti që të barazonte në fraksionin e dytë. Në minutën e 57-të, pas një dalje të bukur të Semedos në krahun e djathtë, Griezmann e ka të thjeshtë për ta devijuar topin në rrjetën e Ospinës.

Në fundin e kohës së rregullt, Vidal u largua me karton të kuq, por koha ishte e pakët për Napolin që të tentonte golin e avantazhit. Në duelin e kthimit, blaugranët mund të kualifikohen edhe me një barazim pa gola. /R.Lika-Koha Jone/