Guardiola: Messi? Si tifoz shpresoj që të qëndrojë te Barcelona!

Pas rinovimit të kontratës deri në vitin 2023, Pep Gurdiola ka folur edhe për Lionel Messin, i cili vijon të jetë shumë i përfolur në mediat angleze në lidhje me një lëvizje të mundshme te Manchester City.

“Si tifoz i Barcelonës dua që Lionel Messi ta mbyllë karrierën me fanellën blaugrana. Për momentin Leo përfaqëson Barcelonën, një klub që është shumë i adhuruar. Nuk e di nëse dëshiron që të largohet ose jo”.

Nëse rinovimi nuk do të vijë deri në fund të këtij viti, argjentinasi që nga janari mund të kërkojë një skuadër të re. Strategu spanjoll ka ripërsëritur atë që ka thënë në tri vitet e fundit: “Do të bëjmë llogaritë tona javë pas jave, në fund do të shohim se çfarë mund të bëjmë”. /R.Lika-Koha Jone/