Guardiola: Ndaj United luajtëm më mirë se me West Ham, por humbëm

Manchester United ia doli dje ndaj Cityt të Guardiolas, duke fituar me shifrat 2-0 dhe ndalur në 21 serinë e fitoreve të rivalëve të qytetit. Pas ndeshjes për mediet foli trajneri i Cityt.

Guardiola u shpreh se skuadra e tij luajti shumë mirë dje, pavarësisht se nuk mundi të fitonte. Sipas tij, djemtë luajtën më mirë se në ndeshjen me West Ham javën e kaluar, të cilën e fituan 2-1.

“Urime Manchester United për fitoren. Ishin ekip i fortë dhe na shënuan shpejt. Pas 10 minutave të para të vështira ne u rikthyem të ishim të rrezikshëm.

Në këtë betejë luajtëm më mirë se në ndeshjen e shkuar me West Ham. Tre pikët në atë rast nuk ishin të merituara. Këtë herë luajtëm më mirë, por rezultati nuk ishte me ne”, u shpreh Guardiola.