Guardiola në planet e Juventusit për sezonin e ardhshëm

Juventus do të përpiqet ta bindë trajnerin e Manchester Cityt, Pep Guardiola, që ta zëvendësojë Maurizio Sarrin në sezonin e ardhshëm.

Sipas The Sun, presidenti i Zonjës së Vjetër, Andrea Agnelli, beson se strategu spanjoll është trajneri ideal për ta dërguar skuadrën në një nivel tjetër.

Raportimet e mediave angleze vijnë pas thashethemeve në Itali se Juve mund ta shkarkojë trajnerin aktual dhe ta kthejë Massimiliano Allegrin.

Bianconerët tentuan ta angazhonin Guardiolan para se ta merrnin Sarrin, mirëpo spanjolli nuk arriti marrëveshje me Cityn për ndërprerjen e kontratës.

49-vjeçari e flet italishten pasi la luajtur te Roma dhe Brescia në të kaluarën, ndërsa ka raporte të mira me trajnerët italianë, duke përfshirë Arrigo Sacchin dhe Maurizio Sarrin

Liga e Kampionëve (të cilën Guardiola e ka fituar dy herë me Barcelonën, 2009 dhe 2011) mbetet shënjestër e Juventusit, trofe të cilin është duke e kërkuar nga viti 1996.