Guardiola: S’është e thjeshtë të luash në superioritet numerik, Sterling i jashtëzakonshëm

Manchester City vuajti shumë ndaj Wolves, por mori një fitore minimale me një gol të shënuar nga Sterling me penallti. Trajneri i Manchester City, Pep Guardiola foli për mediat pas ndeshjes.

“Unë mendoj se është më mirë të luash 11 kundër 11, nuk është aq e thjeshtë të luash në superioritet numerik. Wolves u mbrojt realisht shumë mirë, kemi vuajtur kundër tyre edhe vjet. Sot humbëm shumë raste për gol, por ia dolëm të fitojmë ndeshjen.

Shumë urime për Raheem, ai është akoma i ri dhe 100 gola në Premier League janë shumë. Kontributi i tij për ekipin është i jashtëzakonshëm, është rikthyer të shënojë dhe të ketë besim te vetja”, deklaroi Guardiola.