Guardiola tregon “sekretin” e formës fantastike të Manchester City-it

Manchester City me fitoren në Champions League kundër Borussia Moenchengladbach, ka arritur suksesin e 19 radhazi këtë sezon. Me 10 pikë avantazh ndaj rivalëve të tyre të United dhe Leicester, “qytetarët” janë në rrugën e duhur për të sjellë titullin e Premier League përsëri në shtëpi dhe gjithashtu po japin sinjale të forta edhe për Champions League, një trofe që i mungon prej disa vitesh Guardiolës.

Kjo është arsyeja pse në 2016 u zgjodh Guardiola, dikush që e njeh mirë kompeticionin më të mirë europian për klube me dy Champions të fituar si trajner dhe një Kupë Kampionesh si lojtar. Për ta bërë këtë, klubi i ka vënë në dispozicion buxhete të konsiderueshme për t blerë futbollistët që ka pasur nevojë.

I pyetur nga mediat së fundmi për sekretin e skuadrës së tij, spanjolli nuk pëlqen të qëndroj shumë diskret: “Ne kemi para për të blerë shumë lojtarë të pabesueshëm, kjo është e vërteta. Pa lojtarë cilësorë, asgjë nga këto nuk do të ishte e mundur. Më pas ekipi është i përbërë nga njerëz fantastik, të gjithë kanë një marrëdhënie të pabesueshme me shokët e tyre të skuadrës dhe luajnë çdo ndeshje duke menduar vetëm se ta fitojnë”.