Guti tradhton Ronaldon: Ja përse Messi është më i miri në botë!

Guti dhe Cristiano Ronaldo kanë qenë shokë skuadre te Real Madrid deri në vitin 2010. Teksa ylli portugez po luan me Juventusin, Guti ndërkohë është trajneri i Almerias, skuadër e cila kryeson kategorinë e dytë në Spanjë.

Kur i është drejtuar pyetja se kush është më i miri në botë, ai është përgjigjur në këtë mënyrë: “Njoh vetëm një lojtar që është fantastik në çdo ndeshje. Ai është Messi. Sa herë që futet në fushë, ndodh diçka. Lojtarët e tjetër kanë ulje dhe ngritje”, deklaroi Guti për “Abola”.

Në këtë sezon, Messi ka luajtur 21 ndeshje me Barcelonën, duke shënuar 17 gola dhe duke dhënë 9 asiste. Kontrata e argjentinasit ndërkohë është e vlefshme deri në verën e vitit të ardhshëm. /R.Lika-Koha Jone/