Haaland me “zemër të madhe”, ndihmon 3 klube të vendit të tij

Erling Haaland është një mostër e vërtet golash. Super sulmuesi i Dortmundit konfirmoi formën e shkëlqyer edhe me Norvegjinë duke shënuar 5 gola në 3 ndeshjet e javës së fundit.

Haaland nuk po e tregon veten vetëm brenda fushës por edhe jashtë saj. Së fundmi siç raporton “Sport”, sulmuesi i Dortmundit ka ndihmuar tre skuadra të vendit të tij.

Haaland ka vendosur që shpërblimin që ka marrë me kombëtaren e Norvegjisë t’ia japë tre ekipeve, Rosseland, Bryne dhe Grorud. Gjesti i bomberit tregon se ai nuk i ka harruar rrënjët e tij pavarësisht sukseseve që po korr në futbollin botëror.