Hidhet poshtë aktakuza kundër Kristiano Ronaldos

Si pjesë e lëvizjes #MeToo, një ish-modele amerikane pretendonte në vitin 2018 se superylli i futbollit e përdhunoi në një dhomë hoteli në vitin 2009. Christiano Ronaldo u lirua nga akuzat.

Një gjykatë në Las Vegas ka hedhur poshtë një padi civile me pretendime për përdhunim kundër futbollistit pesë herë më të mirë në botë Cristiano Ronaldo (37). Në vendimin e saj prej 42 faqesh, gjyqtarja Jennifer Dorsey fajësoi sjelljen e një avokati të paditëses Kathryn Mayorga për çështjen. Avokati ka përdorur vazhdimisht dokumente konfidenciale “të hakuara”, shpjegoi gjyqtari. Si pasojë e këtij “shpërdorimi” i padituri ka humbur mundësinë për “të ndjekur këtë çështje”.

Një çështje penale kundër Ronaldos u pushua tre vjet më parë për shkak të mungesës së provave. Prokurori publik e kishte klasifikuar një dënim të portugezit si të pamundur në atë kohë.

“Ruajtja e konfidencialitetit”

Ish-modelja (37) nga shteti amerikan i Nevadës raportoi përdhunimin e saj të dyshuar në polici menjëherë më pas në qershor 2009, por në atë kohë nuk përmendi emrin e Ronaldos apo vendndodhjen. Ajo më vonë nënshkroi një marrëveshje moszbulimi me Ronaldon dhe pretendon se ka marrë 375.000 dollarë. Pasi Mayorga rinovoi pretendimet e saj në vitin 2018 si pjesë e lëvizjes #MeToo, hetimet kanë rinisur prapë.

Superylli i futbollit gjithmonë i ka mohuar akuzat dhe ka insistuar se marrëdhënia seksuale ishte me pajtimin e të dy palëve. Sipas dokumenteve të gjykatës, avokatët e tij thanë se klienti i tyre hyri në marrëveshjen e moszbulimit për të “ruajtur konfidencialitetin” dhe “të shmangë një proces gjyqësor publik dhe të kushtueshëm”.

Në padinë civile, avokatët e Mayorga kërkojnë deri në 200 milionë dollarë kompensim nga Ronaldo për problemet e vazhdueshme të shëndetit mendor të klientes së tyre. Një gjykatës amerikan kishte rekomanduar ndërprerjen e kësaj procedure në tetor të vitit të kaluar. Ai e arsyetoi rekomandimin e tij me deklaratën se avokati i Mayorga-s, Leslie Stovall, e bazoi padinë civile në komunikimet midis Ronaldos dhe ekipit të tij ligjor që u bënë publike nga zbulimet e “Football Leaks”. Komunikimi ndërmjet avokatëve mbrojtës dhe klientëve të tyre është nën mbrojtje të veçantë. Gjykatësja Dorsey tani iu bashkua arsyetimit të kolegut të saj.