Hije skandali: Ja si e bleu Gjermania Botërorin

Gazeta më e madhe gjermane e pati quajtur një ‘përrallë pranvere’.

Por tani "Bild" lajmëron se kjo përrallë mund të zhytet në një moçal korrupsioni.

Sipas revistës gjermane "Spiegel", Komisioni Gjerman për Ofertën e Botërorit 2006 kishte një fond të zi me rreth 13 milionë marka.

Paratë do të përdoreshin për të blerë katër vota aziatike për Botërorin e organizuar në Gjermani.

Sipas revistës, ish-shefi i Adidas-it, Robert Louis-Dreyfus (vdiq në vitin 2009), ua kishte huazuar nga xhepi i tij paratë.

Paratë nuk u shfaqën kurrë në dokumentet zyrtare, vetëm disa zyrtarë të lartë gjermanë kishin dijeni.

Një fond i zi për të blerë organizimin e Botërorit?

Në vitin 2005, Louis-Dreyfus kërkoi t’ia kthenin paratë (rreth 6.7 milionë euro).

Por komiteti duhej të gjente një mënyrë për të kthyer paratë.

Në këtë rast hyn në lojë FIFA, që i ndihmon gjermanët.

Sipas Spiegel, FIFA dorëzoi 6.7 milionë euro në një llogari. Zyrtarisht u tha se ishte një kontribut për ceremoninë e hapjes së stadiumit olimpik.

Më pas FIFA e kaloi shumën në një llogari të Louis-Dreyfus në Zvicër.

Për vendin që do organizonte Botërorin u vendos më 6 korrik të vitit 2000 nga një komision me 24 persona i FIFA-s.

Gjermania fitoi atëherë 12 me 11 kundër Afrikës së Jugut.

Neozelandezi Charles Dempsey u tërhoq nga votimi në raundin e fundit, në mënyrë të habitshme.