HISTORIKE/ Gjyqtarja franceze do të arbitrojë sfidën e Juves në Champions League

Për herë të parë në historinë e Champions, do të vendosë drejtësi një gjyqtare femër. UEFA ka vendosur që ndeshjen mes Juventusit dhe Dinamo Kiev të gjykohet nga francezja Stephanie Frappart.

Ajo ka shumë eksperiencë në Francë, teksa ka gjykuar në vitin 2014 në Ligue 2, në Ligue 1 në 2019, Superkpën Europiane ne 2019 si dhe në Europa League gjatë këtij viti.

Për Frappart, sfida që do të luhet në “Allianz Stadium” do të jetë historike, teksa mund të shërbejë si burim frymëzimi, që edhe femrat mund të arrijnë majat edhe në futbollin e meshkujve. /R.Lika-Koha Jone/