Hoffeheim shokon Bayernin, Freiburu i Abrashit ndal Dortmundin (VIDEO)

Bayerni Munich ka pësuar një humbje befasuese në momentin më të mirë të tyre. Skuadra e Niko Kovac është mundur 1-2 nga Hoffenheim në duelin e zhvilluar në “Allianz Arena”.

Sargis Adamyan ishte heroi i miqve duke shënuar dy gola. Sulmuesi armen realizoi fillimisht në minutën e 54-t, duke përfituar nga një gabim i Tolisso në mesfushë. Robert Lewandowski vendosi baraspeshën në minutën e 73-të me një goditje me kokë, por miqtë do të shënon një tjetër gol të bukur me Adamyan.

Hap fals edhe Dortmundi që nuk shkoi më shumë se një barazim 2-2 ndaj Freiburgut të Abrashit. Mesfushori i kombëtares sonë u aktivizua si titullar duke luajtur për 90 minuta. Witsel shënoi një super gol në minutën e 20-të, ndërkohë që Waldschmidt ju përgjigj në të njëjtën mënyrën në fillimin e pjesës së dytë. Hakimi kaloi sërish në avantazh verdhezinjtë, por një minutë nga fundi Akanji e dërgoi topin në portën e tij duke i mohuar 3 pikët e radhës. /R.Lika-Koha Jone/