Holandezi Max Verstappen fiton titullin kampion në F1 në xhiron e fundit

Holandezi i Red Bullit, Max Verstappen fitoi Çmimin e Madh të Abu Dabit, garën e fundit sezonale, duke lënë pas rivalin Lewis Hamilton, në një garë të mbushur me polemika, që u vendos vetëm në xhiron e fundit.

Verstappen u nis nga vendi i parë, por Hamilton menjëherë e parakaloi duke marrë kryesimin dhe duke vendosur një ritëm të lartë.

Në këtë duel pati një prekje mes dy rivalëve, me Hamilton që preu shkurt kthesën, por pa marrë penalizim nga komisarët e pistës.