Ibrahimovic: Ragnick s’e njoh, nuk jam lojtar për Europa League!

Zlatan Ibrahimovic nuk është nga ata futbollistë që bën shumë kompromise kur bëhet fjala për karrierën e tij. Në një intervistë ka dhënë mendimin e tij për trajnerin e ardhshëm të Milanit Ralf Rangnick si dhe për të ardhmen e tij, duke theksuar se ai nuk është futbollist për të luajtur në Europa League!

“Ralf Rangnick? As që jam kam idenë se kush është, nuk e njoh. Ibra luan për të fituar, përndryshe qëndron në shtëpi. Unë nuk jam një futbollist për të luajtur në Europa League, as Milani nuk është një klub për të garuar në këtë kompeticion.

E ardhmja? Është e nevojshme një përballje me Ivan Gazidis. Por, nëse gjërat vazhdojnë të jenë kështu siç janë dhe nuk ndryshojnë, do të jetë shumë e vështirë për të qëndruar te Milani“, deklaron sulmuesi nordik.