Inter gjen akordin me Di Maria-n, Paris SG e bindur për të lënë të lirë lojtarin

Prej kohësh në media qarkullon lajmi se Angel Di Maria do të jetë futbollisti i Interit dhe sipas asaj që raporton “FcInterNews” gjasat janë të mëdha që kjo do të ndodhë.

Zikaltërit kanë gjetur akordin me vetë futbollistin argjentinas i cili në parim ka rënë dakord të privohet nga shuma që do përfitonte te PSG nëse qëndronte edhe dy vitet e fundit të kontratës, 18 mln euro.

Këtë shumë te zikaltërit Di Maria do t’a përfitojë për tre sezone, por natyrisht do të ketë një rol më të madh protagonisti.

Me klubin francez të Paris SG negociatat nuk pritet të jenë problem për zikaltërit të cilët kanë marrë miratimin e kryeqytetasve për të biseduar me lojtarin.

Zyrtarizimi mbetet i lidhur me transferimin e Ivan Perisiç tek Manchester United pasi paratë e fituara nga kroati Interi do t’i përdor për të transferuar argjentinasin.