Inter mposht Cagliari-n dhe merr kreun e Serie A

Inter vijon serinë e fitoreve në Serie A duke triumfuar 3-0 ndaj Cagliari-t në “Unipol Domus”, duke u ngjitur në krye të tabelës falë golavarazhit, duke parakaluar Atalantën.

Cagliari u përpoq të reagonte, por përballja me zikaltrit, të pamposhtur në 11 ndeshjet e fundit të kampionatit, ishte një sfidë e vështirë. Në pjesën e parë, Lautaro Martínez shpërdoroi një rast të artë, duke dërguar topin mbi traversë pas një krosimi perfekt nga Nicolò Barella. Ai krijoi disa kundërsulme të rrezikshme, pjesa e parë u mbyll pa gola, duke ruajtur rekordin e Interit si skuadra e vetme që nuk ka qenë në disavantazh në pushim këtë sezon.

Pjesa e dytë filloi me dominimin e Interit, kur Alessandro Bastoni zhbllokoi rezultatin me një goditje me kokë. Lautaro Martínez shënoi golin e dytë, ndërsa Hakan Çalhanoğlu vulosi fitoren nga pika e bardhë. Mesfushori i Kombëtares, Kristjan Asllani, u aktivizua për vetëm 10 minuta në fund të takimit, duke zëvendësuar Mikhtaryan.