Interi fiton me lehtësi ndaj Genoas, Lukaku shënon sërish (VIDEO)

Interi rikthehet në rrugën e fitoreve në Seria A, teksa mbrëmjen e sotme ka fituar pastër 2-0 në transfertën ndaj Genoas. Skuadra e Contes vuajti mungesën e hapësirave në 45 minutat e para duke mos krijuar thuajse asnjë shans shënimi

Në fraksionin e dytë si gjithmonë protagonist bëhet Lukaku. Sulmuesi belg ka arritur që të zhbllokojë rezultatin në minutën e 64-t me një goditje të fortë me të majtën.

Vendasit ishin të pafuqishëm për të reaguar, teksa do të pësonin edhe golin e dytë 11 minuta nga fundi. Danilo D’Ambrosio është në vendin dhe në kohën e duhur për ta shtyrë topin në rrjetë me kokë. Interi me këtë fitore ngjitet momentalisht në vendin e tretë me 10 pikë. /R.Lika-Koha Jone/